"Barselona"ning 3 futbolchisi jamoaning maoshlarning tushishiga norozilik bildirgan byurofaksiga qo'l qo'ymadi. Ular kimlar?

Darvozabon Mark-Andre ter SHtegen, yarim himoyachi Frenki de Yong va himoyachi Kleman Langle boshqa "Barselona" futbolchilarining takroriy maosh tushishiga qarshi rahbariyatni ogohlantiruvchi byurofaksga qo'l qo'yishmadi.

Pandemiya sabab "Barselona"ning daromadi 30%ga qisqardi, klub maoshlar to'lash uchun esa byudjetidan 70% atrofidagi mablag'ni ishlatdi.

Bundan tashqari klub rahbariyati o'yinchilarning maoshini kamaytirmoqchi emas, joriy mavsum maoshlar tushsada, ularning hisobi keyingi mavsumda ko'paytirilgan holda qoplab beriladi. Ushbu sxema bo'yicha futbolchilar moliyaviy yo'qotishga duch kelishmaydi.

Oldinroq "Barselona" aynan shunday sxema orqali ter SHtegen bilan shartnomani uzaytirishni rejalashtirayotgani xabar qilingan edi.