"Barselona" - "Real". Ernesto Valverde ishtirokidagi matbuot anjumani

Ushbu bahsdan oldin Kataloniya klubi ustozi Ernesto Valverde ishtirokida matbuot anjumani bo'lib o'tdi.

Raqib haqida

- "Real"ga qarshi bahslar doimo o'zgacha ahamiyatga ega. Biz va raqib finalga chiqishni istaymiz. Bu yarim finalda favorit yo'q, hamma narsa bo'lishi mumkin. "Real" har doim "Kamp Nou"da juda yaxshi o'ynaydi. LaLigadagi o'yinda biz g'olib chiqqandik, o'sha paytda raqib og'ir ruxiy holatda edi, ammo endi "Qirollik klubi" uchrashuvga tayyor.

"Barselona" tarkibi haqida

- Tarkibimizda kuchli futbolchilar yig'ilgan, ularning orasida dunyoning eng yaxshi o'yinchisi ham mavjud, ammo "Real"da ham eng yaxshi futbolchilar o'ynaydi.

Lionel Messining holati haqida

- Agar Messi bu o'yinda ishtirok eta olsa, uni maydonga tushiraman, bunday bo'lmasa - u tiklanishni davom ettiradi. Messi bilanmi yoki usiz uslubimiz o'zgarmaydi. "Barselona" g'alaba qozonish, ustunlik qilish va gollar urishni ko'zlagan.

Jamoaning o'yin taqvimi haqida

- Hozir taqvim borgan sari zichlashmoqda. Qisqa muddat ichida "Real" bilan ikkita o'yin o'tkazishimiz va CHempionlar ligasida maydonga tushishimiz kerak. Hammasiga ulgurish lozim - deydi Valverde.

Xo'sh, Messi "Real"ga qarshi bahsda o'ynaydimi?

Rasman malum emas, ammo Leo "Barselona" qaydnomasiga kiritildi. Kataloniya klubi uchrashuv oldidan u tarkibda bo'lishi yoki bo'lmasligi haqida qaror qabul qiladi. Leo Messi 5 fevral kuni kataloniyaliklar mashg'ulotida ishtirok etdi. Mashg'ulotning ilk 15 daqiqasi OAV uchun ochiq bo'ldi, shu sababli Messi haqida bir narsa deyish qiyin.

"Barselona"ning "Real"ga qarshi o'yin uchun qaydnomasi

Darvozabonlar: Ter SHtegen, Inaki Penya.
Himoyachilar: Semedu, Pike, Lengle, Murilo, Alba, Vermalen, S.Roberto.
Yarim himoyachilar: Rakitich, Buskets, Koutino, Artur, Boateng, Alenya, Vidal.
Hujumchilar: Suarez, Messi, Malkom.