"Barsa" Erik Garsiya uchun 10 million evro taklif qildi va undan ko'p to'lamoqchi emas

"Ko'k-anorranglilar" "shaharliklar"ning ispaniyalik futbolchisi uchun 10 million evro taklif qildi. "Barselona" "Man Siti"dan javob kutmoqda, Klub 19 yoshli futbolchi uchun bundan ortiq to'lamoqchi emas.

Angliya klubi Garsiyani bunday narxga sotishdan bosh tortgan taqdirda, "Barsa" 2021 yilda himoyachining shartnomasi yakunlanganda tekinga o'z safiga qo'shib olishga harakat qilib ko'radi.

Garsiya - "Barselona" tarbiyalanuvchisi. U klub tizimida 2006-2017 yillar davomida to'p tepgan. "Manchester Siti" futbolchi uchun 2 million evro atrofida to'lagan. O'yinchining o'zi ham "Barsa"ga qaytishni xohlamoqda.