Ayollar futboli. XXI O'zbekiston chempionati ikkinchi davrasi boshlandi

“Sevinch” jamoasining ko'p o'yinchilari turli terma jamoalarga taklif etilgani uchun ikkinchi davra uchrashuvlariga  26 sentyabr kuni kirishadi.

“Sevinch -2″ jamoasi esa, 7 avgust kuni XIV O'zbekiston Kubogi dastlabki bosqich uchrashuvini boshlaydi shu kuni Qarshi shahri “Sputnik” qo'rg'onida joylashgan “Nasaf” o'rinbosarlari futbol maydonida Navoiy shahrining “Guli” jamoasini qabul qiladi. Uchrashuv kech soat 18:00da boshlanadi. Javob uchrashuv esa 8 avgust kuniga belgilangan, bu uchrashuv “Geolog” stadionida ertalab 8:00da boshlanishi rejalashtirilgan. Bu vaqt hali o'zgarishi ham mumkin.

“Sevinch” jamoasi XIV O'zbekiston Kubogi dastlabki bosqich uchrashuvini 26-27 avgust kunlari Qarshida o'tkazadi, jamoamizning dastlabki raqibi Xorazm viloyatining “To'maris” jamoasi bo'ladi.

Quyida XXI O'zbekiston chempionatining 12-doirasida bo'lib o'tgan ikki uchrashuv natijalari bilan tanishing:

XXI O'zbekiston chempionati 12-tur. 03.08.2015 y.

“To'maris” (Xorazm) – “Guli” (Navoiy) 1:3

04.08.2015 y.

“Buxoro W” (Buxoro) – “SHo'rtan Lady” (G'uzor) 2:1

XIV O'zbekiston Kubogining bo'lib o'tgan dastlabki bosqich uchrashuvlari natijalari:

02.08.2015 y.

“Navbahor lochinlari” (Namangan) – “Neftchi W” (Farg'ona) 1:4

04.08.2015 y.

“Neftchi W” (Farg'ona) – “Navbahor lochinlari” (Namangan) 5:0

Bugun  5 avgust kuni shuningdek chempionatning 12-doirasidagi yana bir uchrashuv bo'lib o'tadi, bunda Bekobodning “Metallurg W” jamoasi o'z maydonida Olmaliq shahrining “Olmaliq W” jamoasini qabul qiladi.

“Sevinch” jamoasi XXI O'zbekiston chempionati 12-tur uchrashuvini 26 sentyabr kuni o'z maydonida Muborakning “Mashal W” jamoasiga qarshi o'tkazadi.