Asror Aliqulov: "Hakam to'p qo'lga tekkan vaziyatni ko'rmaslikka oldi, shekilli"

"Avvalo "Buxoro"ni Cuperliga yo'llanmasini qo'lga kiritgani bilan tabriklayman. Biz bugungi o'yinga yaxshi tayyorgarlik ko'rgandik. "Buxoro" jarima zarbalari va stantdartlardan yaxshi ishlashini o'rgangandik va qarshilik ko'rsatishga harakat qildik, hujumlar uyushtirdik gol o'tkazib yuborganimizdan so'ng hisobni tenglashtirishga harakat qildik. Afsuski "Buxoro" vaqt cho'zish va yotib olishlar bilan vaqtni o'tkazdi. Ularga ochko ko'proq kerak edi, agar bugun ular ochko yo'qotsa ahvoli qiyinlashardi, raqib natijaga erishdi", - dedi Asror Aliqulov. 

- Murabbiy sifatida "Mashal"ni ikkinchi marta Superligaga olib chiqdingiz, bu bilan tabirklayman. Bugun futbolchilar qandaydir "Buxoro" jamoasini ruhiy tomonlama yutgandek ko'rindi. Jamoaingiz Superliga yo'llanmasini qo'lga kiritib bo'lgani uchun shunday ko'rindimi?
- Aytdimku, uchrashuvga yaxshi tayyorgarlik ko'rgandik. Bilmadim ayrim futbolchilarimiz "Buxoro"ni oson yutamiz deb xayol qilishdimi. Lekin biz og'ir o'yin bo'lishini bilgandik. Durang ham musobaqa jadvalida birinchi o'rinni naqd qilishimizga etarli edi, bugungi mag'lubiyat "Buxoro"ni bizga ancha yaqinlashtirdi.

- Bugun "Buxoro"ning 5 nafar futbolchisi sariq kartochka oldi. Vaqt cho'zishlar ko'payib ketdi. Umuman olganda "Mashal" raqibning bunaqa nayranglarga tayyor emas ekan...
- Endi bu ko'proq futbolchilardan mahorat talab qiladi. Zaxiradan o'yinchilar tushirdik, ko'rinib turibdiki hali mahorat kam. Bu albatta yillar va o'yinlar va tajriba to'plash natijasida keladi. Pro liga etakchiligini saqlab qolishga oxirigacha harakat qilamiz.

- Uchrashuvning 85-daqiqasida "Mashal" hujum qilayotgan vaziyatda to'p "Buxoro" himoyachisining qo'liga to'p tegdi. Buni takroriy vaziyatda yaqqol ko'rdik. Murabbiy sifatida fikriz qanday Pro ligaga ham VAR kerakmi?
- VAR bo'lsa haqqoniylik bo'ladi. Endi har bir o'yinga VAR bilan taminlash qiyin. Klub o'z yonidan xarajat qilib olib keladi. Agar bunaqa hodisa bo'lishini bilganimzda rahbariyat olib kelgan bo'lardi. Hakam ham u vaziyatda uzoqda emas edi vaziyatga juda yaqin edi, ko'rmadi deya olmayman, ko'rmaslikka olgan bo'lishi mumkin. U holat qiyin holat emas edi hakam uchun juda yaqin edi to'p yaqqol qo'lga tekkanligi ko'rinib turgandi, shuning uchun men biror narsa deya olmayman!

- "Mashal" jamoasi Cuperligaga chiqdi. Jamoa Superligaga qanday tayyorgarlik olib boradi? Yangi futbolchilar jalb qilinadimi yoki bor resursdan foydalaniladimi?
- Yangilarni jalb qilish qiyin bo'ladi, ularda talab ham yuqori. Superliga jamoalarida ham futbolchilar tanqisligi bor va ko'p klublar legionerlar xizmatidan foydalanishmoqda. Jamoa rahbariyati bu borada ish olib boryabdi hammasi moliyaviy tomonga va futbolchilarni ko'ndira oladigan mablag' bo'lsa, o'ylaymanki hammasi yaxshi bo'ladi. Transferlar borasida ishlar olib borilmoqda.