"Arsenal" qishda Kaysedoni, yozda esa Raysni sotib olishi mumkin

"Arsenal" "Brayton"dan yarim himoyachi Moyzes Kaysedoni safiga qo'shib olmoqchi.

"The Telegraph" xabariga ko'ra, London klubi qishda yarim himoya chizig'ini kuchaytirmoqchi va Kaysedo bu poziciya uchun variantlar ro'yxatida. "Arsenal" hozirda "CHelsi" va "Liverpul" qiziqish bildirayotgan futbolchi uchun taklif bilan chiqishni ko'rib chiqmoqda.

"Brayton" 21 yoshli yarim himoyachi uchun 75 million funt (85 million evro)dan ko'proq so'rayapti. "Brayton" avvalroq Kaysedoni "CHelsi"ga 55 million funtga sotmagan edi.

"CHelsi" uzoq vaqtdan beri "Brayton"da Grem Potter bilan birga ishlagan Kaysedo uchun kurashda peshqadamlik qilmoqda, ammo "Arsenal"ning qiziqishi tufayli vaziyat o'zgarishi mumkin.

"Arsenal"ning yozdagi asosiy maqsadi – bu "Vest Xem" yarim himoyachisi Deklan Rays. Biroq unga bo'lgan qiziqish qishda yarim himoya chizig'iga futbolchi sotib olishga to'sqinlik qilmaydi.

"Arsenal" ushbu transfer oynasida "Brayton"dan bir futbolchini sotib oldi – Leandro Trossard 21+5 million funtga o'tdi.

Kaysedo joriy mavsum "Brayton" safida barcha musobaqalar doirasida 21 ta o'yinda maydonga tushib, 1 ta gol urdi va 1 ta golli uzatmaga mualliflik qildi.