Xudoyberdiev “Andijon” mashg'ulotlarida. Erkinovga taklif yuborildi

Murabbiylar shtabi rejaga ko'ra, birinchi bosqich yig'inida kun-ora nazorat sinov o'yinlari orqali futbolchilarning imkoniyatlarini ko'zdan kechirmoqda. O'tgan yili jamoa sharafini himoya qilgan deyarli barcha futbolchilar shartnomasi yakuniga etgani sababli, boshqa klublarga o'tib ketdi. SHu bois endi “burgutlar” tarkibi yangitdan shakllantirilmoqda. Tabiiyki, selekciya ishlari jadal suratda olib borilmoqda.

Championat.asia saytiga malum bo'lishicha, murabbiylar hujum chizig'ini kuchaytirish maqsadida SHahboz Erkinovga taklif yuborgan. “Bunyodkor”ning 34 yoshli hujumchisi hozircha aniq javob aytmagan va hozirda “qaldirg'ochlar” safida shug'ullanib turibdi.

Kuni kecha “Andijon” lagerida Ulug'bek Xudoyberdiev paydo bo'ldi. O'tgan mavsum PRO-Ligada Farg'onaning “Istiqlol” jamoasida o'ynagan himoyachi hozircha ko'rikdan o'tmoqda.

Bungacha Andijon” yoshlar jamoasida o'ynab, asosiy tarkibga jalb etilgan Muhammadsolih Ubaydullaev, Muhammadali Tursunov, Yursunali Topvoldiev, Rustam Qo'chqarov, Saidjon Mahammadinov, SHoxruh Rahmidinov kabi mahalliy futbolchilarga javob berb yuborilgan. Ayni damda ushbu futbolchilar viloyat ikkinchi ligasida ishtirok etadigan “Poytug'” jamoasi mashg'ulotlarida ishtirok etayotganini aytish lozim.