Ana xolos! Yamal uchun 200 mln evro berishga tayyor klub topildi

Parij klubi Kilian Mbappening o'rniga "Barselona" vingerini xarid qilishga qiziqmoqda. PSJ 16 yoshli o'yinchi uchun 200 million evro taklif qilishga tayyor. Faqatgina Neymarning PSJga 222 mln evrolik transferi bundan qimmatroq bo'lgan.

Agent Jorje Mendesh PSJning qiziqishi va ularning qancha berishga tayyorligi haqida "Barselona" prezidenti Joan Laportaga xabar berdi. "Ko'k-anorranglilar" rahbariyati francuzlarning o'yinchini kuzatayotganini bilishardi va uni sotmasliklarini malum qilishdi.

Qayd etish kerakki, "Barsa" Laminni Lionel Messi vaqtlaridan so'ng klub akademiyasining eng yaxshi tarbiyalanuvchisi deb hisoblaydi.

Yamal joriy mavsum 27ta o'yinda maydonga tushib, 4ta gol va 3ta assist qayd etdi.