Aleks Fergyuson uning g'azabini qo'zg'ash badali qay darajada og'ir bo'lgani haqida gapirib berdi

"Aslida bunday holat doim ro'y berib turardi. Men o'yin payti yoki tanaffusda tez-tez nimalarnidir o'zgartirardim. Hozir hayolimga kelganlaridan birini aytib beraman. Bu "Vest Xem"ga qarshi 2011 yilgi mavsumning oxirgi turlari doirasidagi o'yin edi.

O'sha uchrashuvdan bir necha oy oldin "Vest Xem" Liga kubogida bizni 4:0 hisobida mag'lub etgan edi. O'sha uchrashuvda men yosh o'yinchilarni maydonga tushirgan edim. O'sha bellashuvning oxirrog'ida Jonni Evansni almashtirishni kutib maydon chetida turgan Ues Braunga qarata "Vest Xem" murabbiyi Uolli Dauns shunday degandi: "Sen vaziyatni o'zgartirmoqchimisan?"

Bu holat esa meni xuddi o'yindan keyin avtoturargohda "Vest Xem" muxlislari menga nisbatan juda tojovuzkor munosabatda bo'lganliklari kabi juda g'azablantirdi.

Men ular (raqib muxlislari)ga shunday dedim: "Biz bu erga aprel oyida qaytamiz va sizlarni quyi ligaga jo'natib yuboramiz". Biroq, apreldagi bellashuvning tanaffusida biz 0:2 hisobida engilayotgandik, men esa bergan vadamni bajarishdan yiroq edim.

SHuning uchun men o'yinga tuzgan rejamdan voz kechdim. Hafta o'rtasida Franciya terma jamoasi tarkibida maydonga tushgan Patris Evrani maydondan oldim va Rayan Giggzni chap qanot himoyasiga o'tkazdim.

Yakunda biz 4:2 hisobida g'alaba qozondik, Runi esa xet-trik qayd etdi. Oradan bir necha hafta o'tib, mavsum yakunida "Vest Xem" CHempionshipga tushib ketdi".

Malumot uchun, o'sha o'yin 2011 yilning 2 aprel kuni "Vest Xem" maydonida bo'lib o'tgan. 1-bo'limda mezbonlar Mark Noblning penaltidan kiritgan ikkita goli evaziga tanaffusga 2:0 hisobi bilan chiqib ketishgan. Tanaffusda esa Fergyuson himoyachi Patris Evra o'rniga hujumchi CHicharitoni tushirgan. 64-daqiqada Ser Aleks yarim himoyachi Park Ji Sun o'rniga yana bir hujumchi Dmitar Berbatovni maydonga tashlagan. Bir vaqtni o'zida 3 hujumchi bilan o'ynay boshlagach avvaliga Ueyn Runi ketma-ket 3ta gol uradi, 84-daqiqada esa CHicharito uchrashuvga yakuniy nuqtani qo'yadi - 2:4.

O'sha mavsum yakunida MYU APLda chempion bo'lgan, "Vest Xem" esa CHempionshipga ravona bo'lgan.