AGMK Ashurmatov qo'l ostida ilk g'alabasini nishonladi
23 iyu 2018 22:43
Yangiliklar
AGMK Ashurmatov qo'l ostida ilk g'alabasini nishonladi
Olmaliq shahrining AGMK klubi Superliganing 18-turida g'alabaga erishdi.
O'z maydonida "Buxoro"ni qabul qilgan olmaliqliklar Yovan Jokichning ikkita goli tufayli 2:0 hisobida g'alaba qozonishdi. Natijada AGMK yangi bosh murabbiy Baxtiyor Ashurmatov qo'l ostida ilk uch ochkosini qo'lga kiritdi.
Malumki, bungacha AGMK Ashurmatov ustozligida to'rtta o'yinda maydonga tushib, uch marta mag'lubiyatga uchragan va bir bor durang o'ynagandi. Bugungi g'alabadan so'ng AGMK o'z hisobidagi ochkolar sonini 17taga etkazib oldi. Jamoa kuchli oltilikka kira oladimi-yo'qmi, buni keyingi to'rtta o'yin ko'rsatadi. Hozircha AGMK 10-o'rinda boryapti.
Baxtiyor Ashurmatov shogirdlari navbatdagi turni Qarshida "Nasaf"ga qarshi o'tkazishadi.
Fikrlar