Afrika Millatlar Kubogi. Saloh gol urdi, Misr esa qo'shimcha taymlarda Benin to'sig'idan o'tdi
06 jan 00:14
Yangiliklar

Afrika Millatlar Kubogi. Saloh gol urdi, Misr esa qo'shimcha taymlarda Benin to'sig'idan o'tdi

Afrika Millatlar Kubogining 1/8 finalidan o'rin olgan Misr - Benin qarama-karshiligi yakuniga etdi.

"Adrar" stadionida kechgan bahsda "firavnlar" qiyinchilik bilan g'alabani qo'lga kiritib, chorak final yo'llanmasiga ega chiqishdi.

Uchrashuvning asosiy vaqtida jangovar durang qayd etildi. 70-daqiqada Marvan Attiya hisobni ochgan bo'lsa, 83-daqiqada Jodel Dossu muvozanatni tiklab, beninliklarga umid bag'ishladi.

Biroq qo'shimcha taymlarda Misr terma jamoasi o'z tajribasini namoyish etdi. 97-daqiqada Yassir Ibrohim jamoasini oldinga olib chiqqan bo'lsa, ekstra-taymlar yakunida jamoa sardori Muhammad Saloh yakuniy nuqtani qo'ydi — 3:1.

Match-senterda ochish

Afrika Millatlar Kubogi-2025. 1/8 final

MISR — BENIN 3:1 (qo'shimcha taymlarda)

Gollar: M. Attiya (70), YA. Ibrohim (97), M. Saloh (120+4) — J. Dossu (83).

Misr: El-Shenavi, Hani, YA. Ibrohim, Rabia, Hamdi, Attiya, Fathi, Odil, Saloh, Marmush, Trezege.

Benin: Danjinu, Uoru, Verdon, Tijani, Roshe, Imuran, Samadu, Tosin, Dodo, Olaytan, Mune.

Shu tariqa, 7 karra qita chempioni bo'lgan Misr chorak finalga yo'l oldi. Endi ular Kot-d’Ivuar — Burkina-Faso juftligi g'olibiga qarshi maydonga tushishadi.

Havola :

Manba : championat.asia

Yangiliklarni Telegramda o'qing!

Reyting: +3