"Биз йирик ҳисобда ютқаздик, кейин эса барча ўйинчилар худди Диснейлендда юргандек оиласи билан селфи қилаётганини кўряпмиз. Агар мен ўйинда мағлуб бўлсам, хонамдан чиқишни хоҳламасдим. Мен футболга шундай қарайман. Тил билан вайсаш, гитара чалиб бемалол ўйнаш бир нарса, лекин Жаҳон чемпионатидаги ҳақиқат бутунлай бошқача.
Альфаро рақиб нима қилишга уринаётганини ўқий олиши керак. Саралаш ўйинларида уйда ўйнаш бундай феноменал жамоалар билан учрашиш билан бир хил эмас. Жаҳон чемпионатида сиз қирувчи самолётларга дуч келасиз, биз эса худди Super Tucano (енгил турбовинтли ҳужумчи самолёт – таҳр.) каби ўйнадик", — дея Чилавертнинг сўзларини келтиради TyC Sports.
Гуруҳ босқичи 11 июндан 27 июнгача давом этади. Жамоалар бир-бири билан айланма тизимда (ҳар бири учтадан ўйин) ўйнайди. Ҳар бир гуруҳдан энг яхши иккита терма жамоа, шунингдек, учинчи ўринни эгаллаган энг яхши саккизта жамоа плей-офф босқичига йўл олади.
