АҚШ президенти Дональд Трампга ЖЧ-2026 финалида ғолиб чиққан жамоага қўшилишга рухсат берилади. "talkSPORT" хабарига кўра, ФИФА Трампнинг ғолиб жамоа сардорига кубокни топширишига қарши эмас. Таъкидланишича, Трамп аллақачон ФИФА вакилларига ўз истаги ҳақида маълум қилган. ФИФА сиёсатчига тақдирлаш маросимида жамоа билан бирга қолиши ёки бошқа расмий шахслар ёнида бўлишини ўзи ҳал қилиш ҳуқуқини беради. Трамп 2025 йилда "Челси" Клублар ўртасидаги жаҳон чемпионатида ғалаба қозонганидан сўнг қилганидек, бу сафар ҳам ғалабани ғолиб жамоа билан бирга нишонлашни афзал кўриши тахмин қилинмоқда. ФИФА раҳбари Жанни Инфантино АҚШ раҳбарини кубокни ўзи истаган усулда топширишга тўлиқ ҳуқуқи борлиги ҳақида огоҳлантирган. ЖЧ-2026 финали 19 июль куни Нью-Йоркдаги "Метлайф Стэдиум" стадионида бўлиб ўтади.
