Uchrashuvdan oldin Yaponiya bosh murabbiyi Xajime Moriyasu quyidagi fikrlarni bildirib o'tdi.
"Hamma mendan Braziliyadan qo'rqishimiz haqida so'rayvyeradi. Nima uchun qo'rqishimiz kyerak? Ularning buyuk tarixi bor, lekin bugun tunda maydonga tarix tushmaydi. Biz ularning ramzini tomosha qilish yoki ularning o'yinchilari bilan rasmga tushish uchun dunyoning narigi tomonidan kelmadik. Bu yerga musobaqalashish uchun keldik va ishonamizki, boshqa jamoalar kabi Braziliyani ham yutsa bo'ladi.
Agar futbolchilarim Braziliya daxlsiz jamoa degan tasavvur bilan maydonga chiqishsa, u holda biz bosh hakam xushtak chalgunga qadar omadsizlikka uchrab bo'lamiz. Bu biz bir necha yildan byeri shakllantirib kelayotgan mentalitet emas. Har bir raqibni hurmat qilamiz, lekin hech kimga ulardan qo'rqayotganimizni his qilish imtiyozini byermaymiz.
Ushbu turnir davomida Braziliyani diqqat bilan kuzatib bordim. Ular aqlbovar qilmas darajada individual kuchli va fantastik jamoa. Shu bilan birga men ulardagi xatolarni, zaif nuqtalarni va ularga zarar etkazishi mumkin bo'lgan joylarni ham ko'ryapman. Ular mukammal emas va o'zlarini mukammaldek ko'rsatish faqatgina bizning ishimizni osonlashtiradi.
Odamlarning eng katta xatosi - bu futbolda o'yin natijasini katta nomlar hal qiladi, deb ishonishlari. Intizom, jamoaviy mehnat, jasorat va mentalitet - mana shular o'yin taqdirini hal qiladi. Shu sifatlar bo'lmasa, autsaydyerlar hech qachon Jahon chempionatida gigantlarni mag'lub eta olmagan bo'lardi.
Futbolchilarimga bu chaqiruvning har soniyasidan zavq oling deb aytdim. Bunday o'yinlar faoliyatingni belgilab byeradi va futbol olamining mamlakatingga bo'lgan qarashlarini o'zgartiradi. Butun dunyo sizni hurmat qilishini xohlasangiz, eng katta jamoalarni mag'lub etishingiz kyerak".
Eslatib o'tamiz, mundialning 1/16 finalidan o'rin olgan Braziliya - Yaponiya bellashuvi bugun, 29 iyun kuni bizning vaqt bilan 22:00 da start oladi.
