Футболчи жарроҳлик амалиёти муваффақиятли ўтганини билдириб, барча қўллаб-қувватлаганларга миннатдорлик билдирди.
"Худога шукрки, операция яхши ўтди! Бугун янги тарих бошланади. Янги Родриго туғилди. Мен бу жараённинг барчасидан ўтишга ва Худонинг баракалари билан яшашга тайёрман. Меҳр ифодаланган ҳар бир хабар учун жуда миннатдорман", – деб ёзди бразилиялик футболчи ижтимоий тармоқларда.
Аввалроқ маълум қилинганидек, ушбу жароҳат сабаб футболчи тахминан 10 ой майдондан четда қолиши мумкин. Демак, Родриго эҳтимол келаси мавсумдагина майдонга қайтади.
Футболчи жароҳатни Испания чемпионатининг 26-турида "Хетафе"га қарши ўйинда (0:1) олган. Қизиғи, у шикастланишга қарамай, учрашув охиригача ўйнаб берган: 55-дақиқада "Сантьяго Бернабеу"да майдонга тушиб, финал ҳуштаги чалингунча ўйинни давом эттирган. Текширувда эса жиддий шикаст борлиги аниқланиб, операция талаб этилган.
