— Менимча, содир бўлган воқеага Португалиянинг бирор бир фуқароси бефарқ қолмади. Энг аввало, мураббийнинг ҳар қандай қарори, у қанчалик асосли бўлишидан қатъи назар, узил-кесил деб ҳисоблайман. Футболчиларга бундай қарорларни тушуниш ҳамиша қийин. Баъзида уларни қабул қилиш осонроқ, баъзида қийинроқ, лекин сўнгги сўз ҳамиша мураббийда қолади. Унинг барча қарорлари узил-кесил бўлиши керак. Клубларда ҳам, терма жамоаларда ҳам шундай бўлиши лозим.
Албатта, Криштиану Роналду каби миқёсдаги футболчи мамлакат ва терма жамоа учун қилган барча ишларни ҳисобга олганда, ўз ҳикоясини бундай тарзда якунлай олмайди. Президент Педру Проэнса етакчилик қилаётган Португалия футбол федерацияси раҳбарияти юзага келган вазиятдан чиқиш йўлини топади, деб умид қиламан.
Бутун мамлакат нега ушбу воқеани бунчалик фаол муҳокама қилаётгани тушунарли: деярли ҳамманинг реакцияси турлича ва бу бўйича фикрлар жуда кўп. Лекин Роналду мамлакатга, терма жамоага ва ўз брендига берган нарсалар, шунингдек, Роналду бренди Португалия учун нимани англатиши жуда катта қийматга эга. Вазият ижобий ҳал бўлишига чин дилдан умид қиламан.
Ҳар қандай ҳолатда ҳам кийиниш хонасида сўнгги сўз мураббийда қолади. Мураббийнинг қарорлари ҳамиша узил-кесил бўлиши керак. Футболчи мураббий томонидан қабул қилинган қарорларга, улар унинг фойдасига ёки зарарига бўлишидан қатъи назар, рози бўлиши лозим. Клубларда ҳам, терма жамоаларда ҳам шундай бўлиши керак, — деди Виллаш-Боаш.
