МЮ 2029 йилгача амал қиладиган шартномага эга бўлган 25 ёшли нидерландиялик футболчининг ҳолатини кузатиб бормоқда. Манба маълумотларига кўра, футболчининг "шпорлар" билан шартномасида товон пули миқдори кўрсатилмаган.
Ван де Вен 2023 йилда "Тоттенхэм"га "Вольфсбург"дан 40 миллион евро эвазига ўтган. Transfermarkt портали футболчининг нархини 65 миллион еврога баҳоламоқда.
Ҳимоячи жорий мавсумда барча мусобақаларда 41 та ўйинда майдонга тушиб, 7 та гол урди ва 1 та голли узатмани амалга оширди.
