Аввалроқ "Челси" 33 ёшли футболчи учун 8 миллион фунт стерлинг таклиф қилгани маълум бўлганди. "The Athletic" маълумотига кўра, "Сандерленд" раҳбарияти бу таклифни рад этиб, уни ҳам клубга, ҳам футболчининг нуфузига нисбатан ҳурматсизлик сифатида баҳолаган.
Жаканинг "Сандерленд" билан амалдаги шартномаси 2028 йилгача мўлжалланган. Илк босқичда у клубини ўзгартириш эҳтимолини кўриб чиққан бўлса-да, раҳбарият билан ўтказилган суҳбатлардан кейин жамоада қолишга қарор қилди.
Ҳозирда Жака "Сандерленд"нинг етакчи футболчиларидан бири сифатида баҳоланмоқда ва клуб уни янги мавсум лойиҳасининг муҳим қисми деб ҳисобламоқда.
Маълумотларга кўра, "Челси" янги бош мураббийи Хаби Алонсо айнан Жакани жамоага олиб келишни кўпроқ истаган. Ёдингизда бўлса, иккиси бунгача "Байер"да бирга ишлаб, Бундеслига чемпионлигини қўлга киритган эди.
