Роналду кетма-кет учинчи марта Яқин Шарқда йилнинг энг яхши футболчиси бўлди

Alisher Ostonov
29 дек 2026
"Ал Насср" форварди Криштиану Роналду "Globe Soccer Awards"да 2025 йил якунларига кўра, "Яқин Шарқнинг энг яхши футболчиси" совринини қўлга киритди.

Мукофот учун Карим Бензема ("Ал Иттиҳод"), Салем Ал-Довсари ("Ал Ҳилол") ва Риёд Маҳрез ("Ал Аҳли") даъвогарлик қилганди.

Роналду 2024/25 йилги мавсумда "Ал-Наср" сафида барча мусобақаларда 41 та ўйинда майдонга тушиб, 35 та гол ва 4 та голли узатмани амалга оширди. Жорий мавсумда 40 ёшли португалиялик 14 та ўйинда 13 та гол ва 3 та голли узатмага муаллифлик қилган.

Роналду кетма-кет учинчи йил ушбу номинацияда ғолиб бўлди.


Alisher OstonovMuallif
Manba: x.com/Globe_Soccer