Фаолияти давомида Фоменко Литва терма жамоаси таркибида 23 та ўйинда майдонга тушиб, 7 та гол урган. У илк бор терма жамоага 1996 йилда чақирилган ва 2003 йилгача унда тўп сурган.
Фоменко фаолиятини 1993 йилда Паневежиснинг "Экранас" клубида бошлаган. У уч марта А Лига ғолиби бўлган, уч марта ЛФФ Кубогини ҳамда бир марта Суперкубокни қўлга киритган.
Кейинчалик футболчи Россия ва Қозоғистон клубларида, шунингдек, Ўзбекистонда "Андижон", "Олмалиқ", "Бухоро", "Сўғдиёна", "Навбаҳор", "Локомотив" (Тошкент) ва "Шўртан" каби жамоалар сафида муваффақиятли тўп сурган.
