- Juda qiyin o'yin bo'ldi. Jigaurining chetlatilishidan keyin biroz qiynalib qoldik. Jamoa yaxshi o'yin o'tkazdi, yigitlarga katta rahmat aytaman, ular oxirigacha o'ynashdi.
- Chetlatilish borasidagi vaziyatni qanday baholaysiz?
- Hech kim qoida buzib, qizil olishni istamaydi. Ustiga-ustak birinchi bo'limdayoq biz bir kishi kam bo'lib qoldik. U ham buni istamagandi. Bir nechta o'yindan beri u jamoamizda eng yaxshi futbolchimiz bo'lib kelayotgandi va jamoaga doimo yordam berishni istaydigan, ishtiyoqi baland futbolchi. Yoshi katta bo'lishiga qaramasdan u har tomonlama o'zini ko'rsatayotgandi. Balki vaziyat qizil kartochkaga tortgandir, men hakamlarning ishiga baho bera olmayman. Shunaqa bo'lib qoldi. Balki u maydonda bo'lganida o'yin boshqacha kechardi.
- Bobomurod Bozorov zaxiradan o'yinga qo'shilib, yana zaxiraga olindi. Bunga sabab nima?
- Biz uni beshinchi himoyachi qilib, zaxiradan o'yinga qo'shgandik. Keyin esa hisobni ushlashga o'ynadik va uni zaxiraga oldik.
- Islom Kenjaboev o'yin oxirida zaxiraga olinishi reja qilingandi. Biroq u o'yinni davom ettirdi. Bu bosh murabbiy bilan kelishilgan tarzda amalga oshirildimi? Chunki u zaxira o'rindig'ida emasdi.
- O'yin oxirlab qolganida biz yana vaqt cho'zish niyatida shunday qildik. Uning o'zi o'yinni tugatib qo'yaman, deb aytdi va oxirigacha o'ynadi.
