"Нефтчи" футболчиси ОЧЛ Элит 4-турининг энг яхши футболчиси бўлишга номзод

Aslanov Jasurbek
18 ноя 2026, 16:07
Осиё футбол конфедерацияси Чемпионлар лигаси Элит турнири 4-турининг энг яхши футболчисини аниқлаш учун мухлислар ўртасида овоз беришни бошлади.

Номзодлар қаторидан Фарғонанинг "Нефтчи" клуби ярим ҳимоячиси Владимир Йовович ҳам ўрин олди.

ОФК расмий сайтида черногориялик футболчининг Эроннинг "Трактор" клубига қарши учрашувдаги голига алоҳида эътибор қаратилган.

"Йовович ҳакам томонидан қўшиб берилган вақтнинг тўртинчи дақиқасида узоқ масофадан ажойиб зарба йўллаб, 'Нефтчи'ни яна ҳисобда олдинга олиб чиқди. Куч, аниқлик ва ҳаяжон – Йововичнинг дарвозага йўллаган ягона аниқ зарбаси ҳақиқий шоҳасар голга айланди", – дейилади ОФК хабарида.

Эслатиб ўтамиз, 2 ноябрь куни ўтказилган "Трактор" – "Нефтчи" учрашуви 2:2 ҳисобида якунланган. Йовович 90+4-дақиқада фарғоналикларни олдинга олиб чиққан, бироқ эронликлар 90+9-дақиқада ҳисобни тенглаштирган эди.

ОВОЗ БЕРИШ ҲАВОЛАСИ

Ўхшаш янгиликлар

Aslanov JasurbekМуаллиф
Манба: championat.asia

Сўнгги янгиликлар

Барча ›