Эслатиб ўтамиз, жароҳати сабабли жавоб ўйинини ўтказиб юборган Рафинья ижтимоий тармоқларда ҳакам Клеман Тюрпеннинг ишини кескин қоралаб, буни "ўғрилик" деб атаган эди.
"Гўёки уларнинг дарвозасига учта пенальти белгиланмаган ва тўртта қизил карточка берилмагандек гапиришяпти. "Ўғрилик" ҳақида гапириш ноўрин.
Мен Рафинья нимани назарда тутаётганини тушунаман, бошқаларнинг фикрини ҳам ҳурмат қиламан, лекин келинг, буни "ўғрилик" деб атамайлик, чунки бу билан ҳеч кимга енгил бўлиб қолмайди. Биз майдонда ғалаба қозондик, уларни сафарда 2:0 ҳисобида мағлуб этдик. Афсуски, футболда "сўнгги умид фоли" учун қизил карточка берилади", — деди Муссо.
Маълумот учун, "Атлетико" икки ўйин натижасига кўра (2:0, 1:2) каталонияликларни мусобақадан чиқариб юборди ва ярим финал йўлланмасини қўлга киритди. Муссо эса жавоб баҳсидаги ҳаракатлари ва баҳсли вазиятлардаги иштироки билан ўйин марказида бўлди.
