TMZ Sports нашрининг хабар беришича, Майамида жойлашган "VID" промоутерлик компанияси футболчи ва ташкилот устидан судга даъво аризаси киритган.
Гап 2025 йилнинг октябрь ойида бўлиб ўтган ўртоқлик учрашувлари ҳақида кетмоқда. Даъвогарнинг таъкидлашича, компания 7 миллион доллар эвазига Аргентина миллий терма жамоасининг Венесуэла ва Пуэрто-Рикога қарши баҳсларини ташкил этиш ҳуқуқини сотиб олган. Шартномага кўра, Месси агар жароҳати бўлмаса, ҳар бир ўйинда камида 30 дақиқа майдонда ҳаракат қилиши керак эди.
Бироқ воқеалар ривожи қуйидагича кўриниш олган:
11 октябрь: Месси Венесуэлага қарши ўйинни (1:0) ўтказиб юборди.
12 октябрь: Орадан бор-йўғи бир кун ўтиб, Лео МЛС доирасида "Атланта Юнайтед"га қарши баҳсда майдонга тушди ва дубль ҳамда ассист қайд этди.
14 октябрь: Пуэрто-Рико билан ўйинда (6:0) Месси тўлиқ ҳаракат қилди.
"VID" компанияси Мессининг Венесуэла билан ўйинда қатнашмасдан, ўз клуби сафида майдонга тушганини шартнома шартларини бузиш ва "фирибгарлик" деб баҳоламоқда. Шунингдек, компания Месси ва унинг оиласи учун ўйинни томоша қилиш учун меҳмонхона харажатларини ҳам қоплаб берганини даъво қилмоқда.
AFA вазиятни юмшатиш учун 2026 йилда Хитой миллий терма жамоасига қарши ўйин ташкил этиб беришни ваъда қилган, бироқ бу учрашув ҳам амалга ошмаган. Эндиликда промоутерлар бир неча миллион доллар миқдоридаги зарарни қоплашни талаб қилишмоқда.
Аргентина томони ушбу айбловларга ҳозирча расмий муносабат билдиргани йўқ.
