“The Guardian” хабарига кўра, “шаҳарликлар” франциялик иқтидор соҳибининг трансфери бўйича музокараларнинг якуний босқичига киришган. Франция клуби ўз вундеркиндини 100 миллион еврога баҳоламоқда.
Буадди ЖЧ-2026’да Марокаш терма жамоасининг ярим финалгача етиб боришига катта ҳисса қўшиб, мусобақанинг энг ёрқин кашфиётларидан бирига айланди. Бу таянч ярим ҳимоячисига “Арсенал”, “Ливерпуль”, “Манчестер Юнайтед”, “Челси”, ПСЖ ва “Бавария” каби грандлар қизиқиш билдирган бўлса-да, “Манчестер Сити” курашда пешқадамлик қилмоқда. Инсайдер Николо Скиранинг таъкидлашича, Буадди “Сити” билан 2031 йилгача мўлжалланган шахсий шартнома шартларини келишиб олган.
Энцо Мареска жамоаси учун бу шу ёзда ярим ҳимоядаги иккинчи йирик харид бўлиши мумкин — бундан олдин “Сити” Эллиот Андерсонни “Ноттингем Форест”дан 116 миллион фунтга сотиб олиб, Британия трансфер рекордини янгилаганди. Жамоа майдон марказини бутунлай қайта қураётгани Родрининг “Барселона”га ўтгани билан тўғридан-тўғри боғлиқдир.
Таъкидлаш жоизки, Жаҳон чемпионатидан сўнг ярим ҳимоячининг Transfermarkt'даги нархи 50 миллион евродан 80 миллион еврогача кўтарилди ва у Ашраф Ҳакимини ортда қолдириб, энг қиммат марокашлик футболчига айланди.
