Ўйин биз кутгандек қийин ўтди. Жаҳон чемпионатидаги барча учрашувлар қийин бўлиши аниқ эди. Шунга қарамай, биринчи бўлимда анча яхши ҳаракат қилдик. Иккинчи бўлимнинг ўрталарида бироз чарчоқ сезилгандек бўлди. Рақибларимиз ўзимизнинг хатомиздан фойдаланди ва ҳисобни 2:1 кўринишга келтирди. Шундан сўнг бироз руҳан тушдик, бироқ баҳс охирида яна ҳужумкор ўйин кўрсата олдик.
Бугунги учрашув бўлиб ўтган стадион ҳақида нима дея оласиз? "Ацтека" энг катта ва энг қадимги стадионлардан бири ҳисобланади.
- Стадион жуда чиройли! Колумбия мухлислари бугун стадионни тўлдиришди. Бундай босимда ҳаракат қилиш ва стадион анча тепада жойлашгани сабабли биз анча қийинчиликка учрадик. Шу сабабли ҳам биз ўйинни бошида анча қийналдик. Стадион денгиз сатҳидан анча баланд бўлгани сабабли бизнинг нафас олишимиз анча қийинлашди.
Бугунги ўйинда қандай ҳис қилдингиз?
- Ҳар бир чақирув, ҳар бир ўйин биз учун жуда муҳим ҳисобланади. Терма жамоамиз учун боримизни ва жонимизни бердик. Биз учун мундиалда ўйнаш катта ютуқ деб ўйламан. Кейинги ўйинларда ҳамюртларимизни хурсанд қилишга ҳаракат қиламиз.
Луис Диас бошчилигидаги Калумбияга қарши жамоангиз супер ўйин кўрсатди. Энди Роналдуга қарши ўйнаш қанчалик завқ бағишлайди?
- Мақтов учун каттакон раҳмат. Биз ҳали Португалия ҳақида ўйламадик, бор эътиборимиз Колумбияга қарши учрашув эди. Худо хоҳласа, барчаси яхши бўлади.
