Fransiyaning olti karra chempioni 2026/27 yilgi mavsum uchun milliy darajadagi barcha musobaqalardan chetlashtirildi. Bunday qaror Fransiya futbolining moliyaviy regulyatori – Milliy boshqaruv nazorati boshqarmasi (DNCG) tomonidan qabul qilindi.
"Bordo" oxirgi ikki mavsumni Fransiyaning to'rtinchi kuchli divizionida o'tkazdi – 2024 yilda moliyaviy muammolar tufayli klub quyi ligaga tushirib yuborilgan edi. Yangi sankciyalardan qochish uchun klub 2026/27 yilgi mavsum uchun byudjetni 30 iyungacha tasdiqlashi kerak edi – jirondinlardan qo'shimcha 9 million evro kiritish talab etilgandi. Bu talab bajarilishiga yoki "Bordo"ning amaldagi rahbari Jerar Lopes, yoki klubning bo'lajak xaridorlari kafolat berishi kerak edi. Biroq tomonlarning hech biri belgilangan muddatgacha kafolatlarni taqdim eta olmadi.
Shu sababli "Bordo" Birinchi mintaqaviy divizionga – Fransiyaning oltinchi kuchli ligasiga o'tkazildi. Klub ushbu qaror ustidan shikoyat qilish niyatida ekanligini va taxminan ikki haftadan so'ng bo'lib o'tadigan apellyaciya qo'mitasi majlisigacha moliyaviy kafolatlarni taqdim etishini ma'lum qildi.
