Bu haqda RMC Sport xabar bermoqda.
Xususan, Belgiyaning RTBF telekompaniyasi sharhlovchisi Vensan Lanjandri "Balogun ishi: FIFA futbolni o'ldirmoqda" sarlavhali maqola chop etdi. Uning fikricha, xalqaro federatsiya prezidenti Janni Infantino va AQSH yetakchisi Donald Tramp o'rtasidagi aloqa "bemanilik va hatto sharmandalik cho'qqisiga" chiqqan.
Le Soir gazetasi ham FIFA qarorini keskin tanqid qildi: "Unchalik ham obro'li bo'lmagan ushbu tashkilot o'z xolisligini kimoshdi savdosiga qo'ydi".
Het Nieuwsblad tahririyati esa bundan ham qatiyroq fikr bildirdi: "Bu 100 foizlik korrupsiya. Toza siyosat. Ular shunchaki maydonda eng yaxshi o'yinchilar to'p surishini xohlashadi… Infantino endi sport rahbari emas. U futbol kelajagini emas, o'z imperiyasini qurmoqda".
Eslatib o'tamiz, Balogun JCH-2026 1/16 finalidan o'rin olgan Bosniya va Gertsegovinaga qarshi o'yinda maydondan chetlatilgan edi, biroq FIFA kutilmaganda majburiy diskvalifikaciyani bir yillik shartli jazoga o'zgartirdi. Buning sharofati bilan Amerika jamoasining joriy birinchilikdagi eng yaxshi to'purari 1/8 finalda Belgiyaga qarshi o'ynash imkoniyatiga ega bo'ladi.
