MYU hujumchisi, ijara asosida “Barselona”da to'p tepayotgan Reshford El-Klasikoda "Real"ni mag'lub etib (2:0), muddatidan avval Ispaniya chempioniga aylandi. Reshford ushbu bahsda jarima zarbasidan gol urishga muvaffaq bo'ldi.
Brunu Instagram sahifasiga Markusning kubok bilan tushgan suratini joyladi va shunday deb yozdi: "Tabriklayman, birodarim ❤️. Sen bunga loyiqsan 🙌🏼".
Bundan tashqari, portugaliyalik futbolchi "Barsa" tomonidan "Al-Hilol"dan ijaraga olingan vatandoshi Joau Kanseluni ham tabrikladi. 31 yoshli o'yinchi Yevropaning kuchli beshlik chempionatlaridan to'rttasida g'olib chiqqan tarixdagi ilk futbolchiga aylandi.
Brunu Kanseluning A Seriya, APL, Bundesliga va La Liga kuboklari bilan tushgan suratlari jamlangan kollajni o'z sahifasiga joylab, quyidagi so'zlarni qoldirdi:
"Tabriklayman, ❤️. Sen allaqachon tarixga kirganding, endi esa yanada aql bovar qilmas natijaga erishding 🙌🏼".
