МЮ ҳужумчиси, ижара асосида “Барселона”да тўп тепаётган Рэшфорд Эл-Класикода "Реал"ни мағлуб этиб (2:0), муддатидан аввал Испания чемпионига айланди. Рэшфорд ушбу баҳсда жарима зарбасидан гол уришга муваффақ бўлди.
Бруну Инстаграм саҳифасига Маркуснинг кубок билан тушган суратини жойлади ва шундай деб ёзди: "Табриклайман, биродарим ❤️. Сен бунга лойиқсан 🙌🏼".
Бундан ташқари, португалиялик футболчи "Барса" томонидан "Ал-Ҳилол"дан ижарага олинган ватандоши Жоау Канселуни ҳам табриклади. 31 ёшли ўйинчи Европанинг кучли бешлик чемпионатларидан тўрттасида ғолиб чиққан тарихдаги илк футболчига айланди.
Бруну Канселунинг А Серия, АПЛ, Бундеслига ва Ла Лига кубоклари билан тушган суратлари жамланган коллажни ўз саҳифасига жойлаб, қуйидаги сўзларни қолдирди:
"Табриклайман, ❤️. Сен аллақачон тарихга киргандинг, энди эса янада ақл бовар қилмас натижага эришдинг 🙌🏼".
