Журналист Эду Агирренинг сўзларига кўра, мутахассис ғалабали ўйинлардан кейинги куни кийиниш хонасига нонушта кўтариб келади.
"Альваро йигитларга: «Болалар, мана нонушта», дейди. У кийиниш хонасида айланиб юриб, барчага круассан ва пончиклар тарқатади", — деди Агирре.
Собиқ футболчи ва шарҳловчи Хави Бальбоанинг таъкидлашича, Арбелоа бу усулни "Кастилья"да ишлаган вақтида ҳам қўллаган. Бу муҳим ғалабалар ёки муваффақиятли сериялар учун ўзига хос рағбатлантириш ҳисобланади.
Маълумот учун, Хаби Алонсо истеъфосидан сўнг асосий жамоа тизгинини қўлга олган Арбелоа қўл остида мадридликлар 17 та ўйиндан 13 тасида ғалаба қозонишга муваффақ бўлишди. Кўриниб турибдики, "ширин" тактика ўз самарасини бермоқда!
