"Diario AS" нашрининг хабар беришича, бразилиялик ҳужумчи дам олиш имкониятидан воз кечишга қарор қилди. Режалаштирилган танаффус ўрнига Винисиус клубнинг машғулот базасига тўлиқ индивидуал машғулот учун етиб келди.
Мавсумнинг ҳал қилувчи ўйинларига тайёргарлиги билан "қаймоқранглилар" етакчи ҳужумчиси фидойиликни намойиш этди. Винисиус "Бавария"га қарши бўлажак Чемпионлар Лигаси ўйинига ажойиб жисмоний ҳолатда келишни мақсад қилди.
Шуни таъкидлаш керакки, Винисиус ниҳоят мухлислар кутган ўйинни намойиш эта бошлади: бразилиялик вингер ушбу мавсум Мадрид клуби учун 43 ўйинда 17 та гол урди ва 13 та ассист қайд этди.
