Арне Слот ҳакамлардан норози: "Лайнсмен байроқни кўтариш учун 13 сония вақт сарфлади"
11 nov 13:12
News

Арне Слот ҳакамлардан норози: "Лайнсмен байроқни кўтариш учун 13 сония вақт сарфлади"

"Манчестер Сити"га сафарда 0:3 ҳисобида имкониятни бой берган "Ливерпуль" бош мураббийи Арне Слот ўйиндаги асосий воқеалардан бири — "қизиллар"нинг ҳисобга олинмаган голи билан боғлиқ вазиятдан норози бўлди.

"Менимча, нотўғри қарор қабул қилингани аниқ ва равшан, ҳеч бўлмаганда менинг фикримча. Чунки у [Энди Робертсон] дарвозабонга [Виржил ван Дейкнинг бош билан берган зарбасидан кейин] халақит бермади.
Ўйиндан сўнг дарҳол менга ўша ҳакам [Крис Кавана] ўтган мавсум "Вулверхэмптон"нинг "Манчестер Сити"га қарши ўйинида ҳисобга олган гол кўрсатилди. Бирга бир ўхшаш ҳолат.
Ён ҳакам байроқни кўтариши ва офсайд қайд этиши учун ҳам 13 сония вақт сарфлади.
Умуман олганда, бугунги баҳс бизники эди деб айтолмайман. 1:1 ҳисобидаги дурангдан кейин нима бўлишини ҳеч қачон билмайсиз, лекин объектив қараганда "Манчестер Сити" яхшироқ жамоа эди", – деди мерсисайдликлар устози.

Эпизод видеосини ушбу ҳавола орқали кўришингиз мумкин.

Link :

Source : The Mirror

Receive latest football news directly on your phone. Subscribe for our Telegram channel!

Rating: +1