"Унинг акаси, яъни агенти мен билан гаплашди. У номзодлар шорт-листига киритилган. У трансфер қилиниши мумкин. Бу биз анчадан бери мақсад қилган режамиздир", — дейди Торреснинг сўзларини AS нашри Radio Nacional эфиридаги коментарийга таяниб.
Раҳбарнинг сўзларига кўра, бош мураббий Хосе Бордалас ҳужум қанотларини кучайтиришни устувор вазифа деб билмоқда, чунки таркибда аллақачон олти нафар тажрибали марказий ҳимоячи мавжуд. Аввалроқ клуб сафини "Реал"нинг яна бир собиқ сардори — Даниэль Карвахаль тўлдирган эди.
Рамоснинг сўнгги клуби "Монтеррей" бўлиб, у ушбу жамоани 2026 йилнинг январь ойида тарк этган эди. Илгари у "Реал", "Севилья" ва ПСЖ клубларида ҳам тўп сурган. Transfermarkt маълумотларига кўра, ҳимоячининг трансфер қиймати 800 минг еврони ташкил этади.
