Хендерсон Канте ва Динини қўллаб-қувватлади

Нголо Канте ва Трой Дини машқ қилишни рад этишди, чунки улар коронавирус билан касалланишдан ўзларини ҳимоя этишга уриндилар.

Жордан Хендерсон "Челси" ва "Уотфорд" футболчиларининг қарорини тўғри тушунишини билдирди.

"Мен уларнинг машғулотда иштирок этмаслик қарорини ҳурмат қиламан. Ҳар кимнинг оиласида ҳар хил вазият мавжуд. Агар кимдир ўзини хавфсиз ҳис қилмаса, демак, ишга чиқишга мажбурланмаслиги керак".

"Мен йигитларнинг фикрини ҳурмат қиламан, аммо умид қиламанки, улар ҳам машғулотларга қайтган футболчиларнинг қарашларини ҳурмат қилишади" — дейди Жордан Хендерсон Sky Sports'га.