34 ёшли даниялик футболчи билан 2027 йилнинг ёзига қадар амал қилиши керак бўлган битим томонларнинг ўзаро келишувига биноан бекор қилинди.
"Ҳозир мен учун Данияда, оилам ёнида бўлиш муҳим. Биргаликда ечим топганимиздан хурсандман. "Вольфсбург"даги даврим кўплаб кўтарилиш ва пасайишларга бой бўлди. Бундеслигага қайтиш йўлида ҳозир клуб ишончли қўлларда эканини биламан ва "Вольфсбург"ни муваффақиятли келажак кутаётганига аминман. Клубда ва Вольфсбургда ёнимда бўлган барчага чин юракдан миннатдорчилик билдирмоқчиман. Сиз учун ўйнаш менга катта завқ бағишлади ва бу даврни илиқ хотиралар билан эслайман", – дея Эриксеннинг сўзларини келтиради клуб матбуот хизмати.
Эриксен 2025 йилнинг сентябридан бери "Вольфсбург" шарафини ҳимоя қилиб келаётганди. У Германия клуби сафида 34 та ўйин ўтказиб, 3 та гол урди ва 10 та голли узатмани амалга оширди.
Шу йилнинг июнь ойида Дания ва Украина терма жамоалари ўртасидаги ўртоқлик учрашувида Эриксен ҳушини йўқотганди. Ўша вақтдан бери у майдонга тушмади. 2021 йилги Евро-2020 баҳсида ҳушидан кетганидан сўнг ярим ҳимоячининг танасига имплантация қилинадиган кардиовертер-дефибриллятор ўрнатилган.
