Uchrashuv bosh hakami Sandro Sherer VAR videotakrorlaridan so'ng Alfonso Devisning qo'li bilan o'ynaganini qayd etib, penalti belgilagan edi. Vaziyat Usmon Dembelening jarima maydonchasi ichiga uzatgan to'pidan so'ng yuzaga kelgandi.
- "Men ko'rgan kadrlarga tayanib aytadigan bo'lsam, belgilangan penalti katta shubha va bahslarni keltirib chiqarmoqda. Menimcha, to'p avval Devisning tanasiga tegib, so'ngra qo'liga rikoshet bo'lib qaytdi. Agar vaziyat aynan shunday bo'lgan bo'lsa, bu qoidaga ko'ra penalti emas", - dedi Kompani.
