Яқинда "Ливерпул" кейинги уч мавсум давомида чипталар нархини ошириш режасини эълон қилди, бу мухлислар гуруҳларининг ғазабига сабаб бўлди. АПЛнинг 32-турида "Фулхэм" устидан 2:0 ҳисобида ғалаба қозонган ўйинда мухлислар "Энфилд" трибунасида баннер кўтариб норозилик намойиши ўтказди.
"Менимча, мухлислар — клубнинг юраги ва руҳи. Агар улар шундай деб ўйлашса, унда норозилик билдириш — уларнинг қонуний ҳуқуқи. Умид қиламанки, улар клуб билан биргаликда ечим топади.
Бу муаммолар менинг сардор сифатидаги ролимдан анча ташқарига чиқади. Фикримча, бизнинг мухлисларимиз — бу клуб. Ҳар доим шундай бўлган — мендан олдин ҳам, кейин ҳам. Бу муаммолар ҳал қилиниши муҳим, чунки бу ҳеч кимнинг манфаатларига мос келмайди", – деди 34 ёшли нидерландиялик.
"Ливерпуль" Англия чемпионати жадвалида 32 ўйиндан сўнг 52 очко билан 5-ўринда.
