Умид Хонимқулов: “Пенальти белгиланган вазиятда тўп жамоадошимнинг қўлига теккан эди”

Ушбу турда Тошкентнинг "Пахтакор" клуби ўз уйида Навоийнинг "Қизилқум" жамоасини қабул қилди ва 3:1 ҳисобида ғалаба қозонди. Ушбу баҳсдан сўнг "Қизилқум" клуби дарвозабони Умид Хонимқулов ўз фикрларини билдирди.

“Аввалам бор барчани мавсум бошлангани билан табриклайман. “Пахтакор”га қарши учрашувда бироз омадимиз келмади. Ушбу баҳсга тайёр эдик. Лекин, ўзимизнинг кичик хатоларимиз туфайли дарвозамиздан учта гол ўтказиб юбордик. Мағлубиятга бутун жамоа айбдор. Пенальти белгиланган вазиятда тўп жамоадошимнинг қўлига теккан эди. Аммо бу вазият жарима майдончамиз ичида содир бўлдими ёки йўқ, билмайман. Биз иккинчи бўлимда яхши ўйин кўрсата олмадик. “Пахтакор” эса бизга қараганда анча мазмунли ўйин намойиш этди. Рақибларимизни ғалаба билан табриклайман. Биринчи турда очко йўқотиш кейинги турларда ўз таъсирини кўрсатади. Хатоларимиздан хулоса чиқарган ҳолда кейинги ўйинларга тайёргарлик кўрамиз”, - дейди “Қизилқум” клуби дарвозабони Умид Хонимқулов.

Жаҳонгир Сотволдиев суҳбатлашди.