- Биринчи бўлим жуда зерикарли ўтди. Шунда ҳам бизда яхши вазиятлар бўлди. Аниқ битта вазиятни эслайман. Иккинчи вазиятда рикошет ҳалақит қилди. Иккинчи бўлимда эса ўйин сурати ўзгариб кетди, "Бухоро" гол урди. Фарқни йўққа чиқаришга ҳаракат қилдик ва ҳужумга ўтдик. Менимча биз голга лойиқ эдик. Ютқазиб турган жойимизда бир очконинг қўлга киритилиши - бу муваффақият.
- Ёш футболчилар Сардор Жамолов ва Шоҳруз Камолов ҳақида нималар дейсиз? Сардор Жамолов дебютидаги икки ўйинида гол урди, ўз навбатида Шоҳруз Камолов ҳам дебютида дарвозани ишғол қилмоқда.
- Ҳозирги футболда ёш ёки ёши катта футболчи деб ажратишдан маъно қолмади. Ёш бўлса ҳам, балки, Премьер-лига даражасида бўлиши мумкин ёки захирадан тушиб, ўйинни кучайтириши мумкин. Демак, ёшни ажратишнинг фарқи йўқ. Ёш бўлса ҳам яхши ўйин кўрсатиб, жамоага ёрдам бераётган бўлса, унга эшиклар очилмоқда. Улар учун хурсандман. Улар захирадан майдонга тушиб, гол уришди. Улар учун хурсандман. Шунингдек, бугун охиригача курашиб, мағлуб бўлишмагани учун жамоадан ҳам миннатдорман.
