- Йигитларимга "Қизилқум" 20–25 дақиқа давомида фаол ҳаракат қилади, кейин эса ўйинни ўлдиради, деб айтгандим. Айнан шундай бўлди. Биз ҳамма нарсани тўғри бажардик.
Ташқаридан қараганда, жамоамиз пассив ёки флегматик ҳаракат қилгандек туюлган бўлиши мумкин. Аслида эса йигитларим барча кўрсатмаларни яхши бажаришди, керакли ҳаракатларни амалга оширишди. 20-дақиқадан кейин эса шунчаки режамизни ишга туширдик. Ҳаммасини ишга солдик, холос.
Биринчи таймда эса бизни шафқатсизларча уришди. Бу ерда гап фақат битта қизил карточка ҳақида эмас. Иккинчи қизил карточкани ҳам кўрсатиш мумкин эди. Тушунаман, ҳар бир жамоанинг ўз вазифалари бор ва ҳар ким натижага эришиш учун қўлидан келганича ҳаракат қилади. Иккинчи таймда нима бўлганини ўзингиз ҳам кўрдингиз. Майдонда иккита жамоа эмас, гўёки фақат ҳуштак чалаётган бир киши бор эди. У вазиятларни қандай талқин қилди, нимани қандай баҳолади — билмайман.
Мени тўғри тушунишларингизни истайман. Худо сақласин, ҳеч ким ҳақида ёмон гап айтиш ниятим йўқ. Мен фақат фактлар ҳақида гапиряпман. Биз жуда яхши гол урдик. Майли, буни ҳам қўяйлик. Кейин 15 дақиқа кинони (видеотакрорни) кўришади, аммо ўйинга атиги беш дақиқа қўшишади. Ҳолбуки, ҳакам бизга саккиз дақиқа қўшиб берганини айтди.
Бизга шунчаки саккиз дақиқа керак эмас. Қанча вақт керак бўлса, шунча қўшиш керак. Ўзинг кино кўряпсан, алмаштиришлар бўляпти, рақиб дарвозабонига тиббий ёрдам кўрсатиляпти. Буларнинг барчаси вақт олади. Иккинчи таймда майдонда гўёки фақат бир киши бор эди. Икки хил стандартларни тушуна олмаяпман. Биринчи турдан буён шу пайтгача ҳакамлик ҳақида бир оғиз ҳам гапирмаганман. Доим қандайдир синовлардан ўтяпмиз. Янги қоидалар, янги талаблар айнан бизнинг жамоамизда синаб кўрилаётгандек. Гоҳ кийиниш хонасида 30 дақиқа кутиб ўтирамиз, гоҳ сафарда нимадир ишламайди, гоҳ бизга "кутинглар, ўйин кечроқ бошланади", дейишади. Майдонимиз яхши бўлса ҳам, жаримага тортиламиз, майдон ёмон дейишади. Мен бу ҳолатларни тушуна олмаяпман.
Кейин кимдир бу ерга келиб, "сизларда балет", деб гапиради. Қандай балет? Бу гапни ким айтди? Бизнинг жамоамизда уч нафар футболчи жароҳат олган: бири операция столида, иккинчисининг қовурғаси синган, яна бирида ўмров суяги билан боғлиқ жароҳат бор. Бундай вазиятда қандай қилиб "балет" дейиш мумкин? Мен буни тушуна олмаяпман. Футбол эркаклар ўйини эканини яхши тушунаман. Аммо унда айтган сўзларингиз учун ҳам жавоб беришингиз керак. Қандай балет? Биз оддий, нормал футбол ўйнаяпмиз. Ҳеч кимни ўлдираётганимиз йўқ. Ҳар бир ўйинда гол уришга ҳаракат қиляпмиз. Бугун эса шунчаки бизнинг ғалабамизни ўғирлашди. Бу гапим кимгадир ёқади, кимгадир ёқмайди. Мен ҳеч қандай чегарадан чиқмаяпман, ўзимни қўлга олиб турибман. Бугун бизнинг ғалабамизни ўғирлашди. Қолганини уларнинг виждонига ҳавола қиламан. Аммо уларда виждон йўқ, аввал ҳам бўлмаган, бундан кейин ҳам бўлмайди. Тамом.
