Португалия футбол федерацияси хайрлашув ўйинини ташкил этишни таклиф қилган, аммо Роналду сўнгги учрашув учун қайтарилишни истамаяпти. Роналду ва Португалия терма жамоаси бош мураббийи Жорже Жезуш ўртасида телефон орқали суҳбат режалаштирилган эди. Португалия футбол федерацияси раҳбари Педру Проэнса воситачи сифатида чиқиши керак эди. Аммо якунда суҳбат бўлиб ўтмади. Форвард мураббий билан бошқа гаплашишни истамаяпти.
41 ёшли Криштиану Роналду Португалия терма жамоасидаги дебютини 18 ёшида, 2003 йил 20 август куни Қозоғистон миллий терма жамоасига қарши кечган ўртоқлик ўйинида (1:0) иккинчи бўлимда захирадан майдонга тушиб ўтказган эди. Криш Португалия терма жамоаси сафида жами 234 та ўйин ўтказиб, 146 та гол ва 45 та голли узатмага муаллифлик қилди. Роналду Европа чемпиони (2016) ва икки карра УЕФА Миллатлар лигаси ғолибига айланган.
