Шу тариқа, Португалия ва Аргентина терма жамоалари фақатгина турнир финалида ўзаро тўқнаш келишлари мумкинлиги ойдинлашди.
Португалияликлар Колумбия, Ўзбекистон ва Конго терма жамоалари жой олган ўз гуруҳларида иккинчи ўринни эгаллашди. Жамоа беш очко жамғариб, иккинчи поғона билан плей-офф йўлланмасини қўлга киритди.
Аргентина эса, ўз навбатида, Австрия, Жазоир ва Иордания билан бир гуруҳда биринчи ўринни нақд қилиб қўйди. Сўнгги тур доирасидаги Иорданияга қарши баҳс ҳали давом этаётган бўлса-да, жанубий америкаликлар аллақачон 2:0 ҳисобида олдинда боришмоқда. Ушбу натижа якуний ҳисобдан қатъи назар, уларнинг квартетда ғолиб бўлишини таъминлайди.
Шу тариқа, жамоалар турнир сеткасининг икки хил ярмидан жой олишди. Бу шуни англатадики, жаҳон чемпионатидаги Лионель Месси ва Криштиану Роналдунинг узоқ кутилган қарама-қаршилиги фақат бир шарт билан — агар ҳар иккала терма жамоа ҳам финалгача етиб борсагина амалга ошиши мумкин.
