Фарғона ва Самарқанддаги муваффақиятли стартлардан сўнг, Тошкент миллий финал йўлланмаси учун курашишга тайёр бўлган 1000 нафардан ортиқ футболчиларнинг аризаларини жамлади.
Дарвозабонсиз 4×4 формат ва 10 дақиқалик узлуксиз ўйин ўзининг томошабоплигини намоён этди: чаққон ҳужумлар, гавда билан блоклар ва ҳар бир учрашувнинг дастлабки ҳамда сўнгги 60 сониясидаги ҳал қилувчи “икки карра голлар”. Ҳар бир вазият ўйин тақдирини ўзгартириши мумкин эди.
2–3 май кунлари Тошкентда ўтказилган Ред Булл Фоур 2 Сcоре саралаш босқичида пойтахтнинг 64 та жамоаси иштирок этди. Улардан энг яхши 8 та жамоа миллий финал йўлланмасини қўлга киритди, томошабинлар эса юзлаб ёрқин лаҳзалар ва кескин якунларнинг гувоҳи бўлишди.
“Бизнинг “POSITIVE ТМ” жамоамиз Red Bull Four 2 Score Uzbekistan 2025 миллий чемпиони бўлган эди ва бугун плей-оффнинг илк ўйинида бизга жуда қизиқарли рақиб — 2024 йил ғолиби бўлган EVEREST жамоаси дуч келди, — дейди “POSITIVE ТМ” жамоаси сардори Омонжонов Элёр. — Бугун биз EVEREST жамоасини 2:1 ҳисобида мағлуб этдик, бу эса руҳиятимизни кўтарди ва бизга янада куч бағишлади. Якуний ўйин натижасига кўра эса миллий финал йўлланмасини қўлга киритдик.”
Тошкент саралаш босқичи минтақавий турнинг кулминациясига айланди ва Red Bull Four 2 Score мусобақасининг Ўзбекистондаги машҳурлигини яна бир бор тасдиқлади.
Миллий финалга йўлланма олган жамоалар:Richmond, Progress, FC Keles, LAVHA, CHELANO, Positive TM, Neftegaz, TTZ Team
Миллий финал яқинлашмоқда
Фарғона, Самарқанд ва Тошкентнинг энг кучли жамоалари мавсумнинг асосий воқеаси — 17 май куни Тошкентдаги “Бунёдкор” футбол мажмуаси ҳудудида бўлиб ўтадиган Red Bull Four 2 Score миллий финалига тайёргарлик кўрмоқда. Ғолиб жамоа кузда Торонто шаҳрида бўлиб ўтадиган жаҳон финалида Ўзбекистон шарафини ҳимоя қилиш ҳуқуқини қўлга киритади.
Воқеаларни кузатиб боринг:
Instagram: @RedBull.uz
#Four2ScoreUZ
Red Bull Four 2 Score тезкор фикрлаш, зарба аниқлиги ва жамоавий уйғунликни синовдан ўтказади. Тошкент бир нарсани исботлади: Ўзбекистон кўча футболи халқаро даражага чиқишга тайёр.
