"ESPN" хабарига кўра, жаҳон чемпионати якунланганидан сўнг клуб қарийб бир йилдан бери тўхтаб қолган музокараларни қайта тиклади.
Манба маълумотига кўра, Испания клуби молиявий шартларни яхшилаган. Энди Винисиусга йилига 22 миллион евро миқдорида иш ҳақи таклиф қилинмоқда, ваҳоланки аввалроқ камроқ сумма ҳақида гап борган эди.
Бироқ таклиф барибир футболчини қониқтирмаяпти. Хабар қилинишича, 26 ёшли бразилиялик футболчи бир мавсум учун тахминан 30 миллион евро олишни мўлжалламоқда. Ҳозирда унинг йиллик маоши тахминан 17,5 миллион еврони ташкил этади.
Винисиуснинг "Реал" билан шартномаси мавсум охиригача мўлжалланган. Агар келишув узайтирилмаса, январь ойидан бошлаб футболчи бошқа клублар билан музокаралар олиб бориши ва дастлабки шартномани имзолаши мумкин бўлади.
