Бу ҳақда журналист Маттео Моретто DAZN эфирида маълум қилди.
Испаниялик футболчи 2025 йил июль ойида Мадрид клубидан "Комо"га 2,5 миллион евро эвазига ўтган эди. Бироқ "Реал" шартномада кўзда тутилган 8 миллион евро эвазига уни қайта сотиб олиш ҳуқуқига эга.
Мореттонинг маълум қилишича, "Реал" ушбу имкониятдан фойдаланишга қарор қилган. Трансфер амалга оширилганидан кейин футболчининг келажаги муҳокама қилинади: Рамон Мадрид клубида қолиши ёки Англия Премьер-лигасига йўл олиши мумкин. Унга бир нечта инглиз клублари қизиқиш билдирмоқда.
Хакобо Рамон жорий мавсумда Италия чемпионатида 9 та учрашувда майдонга тушиб, 2 та гол урди.
