Агар бугун мадридликлар бергамоликларни таслим этишса иккита эътиборга молик рекорд ўрнатилади. "Қироллик клуби" "Аталанта"ни мағлуб этса, азалий рақиби "Барселона" ҳамда "Милан"ни ортда қолдириб УЕФА Суперкубогининг 6 карра ғолибига айланади. Бундан ташқари, мадридликлар устози Карло Анчелотти мураббий сифатида ушбу совринни 5 бор қўлга киритган илк мутахассисга айланади.
Ҳимоячи Дани Карвахаль ва ярим ҳимоячи Лука Модрич эса ўйинчи сифатида Суперкубокни беш марта ютган илк қаҳрамонларга айланишлари мумкин.
