Бу ҳақда журналист Флориан Плеттенберг X ижтимоий тармоғидаги саҳифасида хабар беради.
"Реал" бир неча ойлик музокаралардан сўнг келишувга эришишга умид қилмоқда. Клуб "Арсенал" томонидан билдирилаётган қизиқишдан хабардор. Лондон гранди вингернинг трансфери бўйича илк расмий таклифни тайёрламоқда.
Винисиуснинг "қаймоқранглилар" билан амалдаги шартномаси 2027 йилнинг ёзигача мўлжалланган. Аввалроқ "Реал" бош мураббийи Жозе Моуриньо футболчининг клубдан кетишига қарши экани, "Арсенал" эса ўйинчига ҳафтасига 468 минг евродан ортиқ маош таклиф қилишга тайёрлиги хабар қилинган эди.
Футболчи 2018 йилнинг ёзидан бери Мадрид клуби сафида тўп суради. Якунланган мавсумда Винисиус барча турнирларда 53 та ўйинда майдонга тушиб, 22 та гол ва 14 та голли узатмага муаллифлик қилди. "Transfermarkt" портали маълумотига кўра, футболчининг бозор қиймати 140 миллион еврони ташкил этади.
