Расман: "Каттақўрғон" Грузия чемпиони трансферини эълон қилди
23 мар 12:57
Янгиликлар

Расман: "Каттақўрғон" Грузия чемпиони трансферини эълон қилди

Про лигада юқори марраларни кўзлаган жамоа таркибига яна бир тажрибали легионер келиб қўшилди.

1994 йилда туғилган ҳужумчи Георгий Панцулая билан мавсум охиригача мўлжалланган келишувга эришилди.

Грузия чемпионатининг ўтган мавсумида 17 гол билан тўпурарлар рейтингида 2-ўринни эгаллаган Панцулая турли йилларда "Торпедо" Кутаиси, "Динамо" Батуми ҳамда Қозоғистоннинг "Каспий" ва "Женис" клублари шарафини ҳимоя қилган.

Фаолияти давомида 300 дан ошиқ расмий учрашувда майдонга чиққан футболчи "гол+пас" тизимида 150 очколик довонни забт этган.

Қайд этиш жоиз, 32 ёшли форвард 2020/21 йилги мавсум "Динамо" Батуми билан чемпионликни қўлга киритган.

Ҳавола :

Манба : "Каттақўрғон" матбуот хизмати

Янгиликларни Телеграмда ўқинг!

Рейтинг: +2