— Асосий савол шундаки, ҳаммасини узил-кесил тушуниб олиш учун ушбу ўйинларни қайта кўриб чиқишимиз керакми ёки йўқми. Ўйлашимча, бу йил ҳам ўз клубида, ҳам жаҳон чемпионатида алоҳида ажралиб турган бирор бир ўйинчини кўрмадим.
Кўп йиллар давомида ҳамма нарса Лионель Месси ва Криштиану Роналдуга тақалишига кўникиб қолгандик. Лекин энди бундай ўйинчилар йўқ. Кўпчилик ўз чемпионатларида ёрқин ўйин кўрсатди, кўп гол урди, аммо жаҳон чемпионатида унчалик омадли иштирок этмади. Ёки аксинча. Яққол фаворит деб айтиш мумкин бўлган ўйинчининг ўзи йўқ.
Мен учун фаворитлар — испанияликлар. Битта кубокка беш ёки олтита фамилияни солиб, хоҳлаганини тортиб олиш мумкин — адашмайсиз. Мен "Олтин тўп" испанияликка насиб этиши керак деб ҳисоблайман, — деди Ракитич El Partidazo кўрсатуви эфирида.
Кейинроқ хорватияликдан фаворитлар учлигини номлашни сўрашди.
— Бу учта испаниялик бўларди. Гарчи мен Олисенинг ашаддий мухлиси бўлсам ҳам. Унда қандайдир ўзгача нарса бор, лекин у жаҳон чемпионатини мукаммал ўтказмади. У билан бирга учликка Ламин ва яна Родрини киритган бўлардим, — дея қўшимча қилди Ракитич.
